मेरो गाउँको गीत !
Posted by Birodh on October 15, 2010
वारि पारि लेक बेसी टाकुराको गाउँ
बालख मै धुलो संगै खेलेको त्यो ठाउँ
पखरा मक्रेथान तल लुंग खोला
साथी संगी भेट्न फेरी कहिले जाने होला
दशैं आयो तिहार आयो देवाली को आश
कर्म गर्न सधै किन परदेश को बास
आउदा जादा बाटोमा खाजा लुकाएको
कुला बाटा तिजु खादा हाँगा झुकाएको
फागुन मास फागु खेल्थे कानै छोप्ने गीत
उकाली र ओराली मा लगाएको प्रीत
झझल्को मा आउने गर्छ कहिले काही अल्झी
मुटु मेरो भरि हुन्छ सम्झनामा बल्झी
कहिले काही लड्ने गर्थेउ गुच्छा खेल्दा संगै
एक रुपैया पाउदा पनि हुने गर्थिएउ दंगै
सम्झिदा नि ति दिन हरु आंधी चल्छ मनमा
चरी अझै लोट्दै होलान टुट्ने चौर बनमा
गए बारे ति दिन हरु फेरी के आउथे
चैत मास कोइली ले स्वोर मिलाई गाउँथे
ति सबै भै सकेछन एकादेश का कुरा
मेरो गाउँ जाने धोको कहिले होला पुरा
मेरो गाउँ जाने धोको कहिले होला पुरा!!!
Dilip bhusal said
Daju mern manko kura pani tahi ho syurikayta ti pal haru samjhanama chan tapaiko jastai
dilip bhusal syurikata lung
krishna thapa said
wawawawawawawa ke geet rahechha schoole jiban ko yad sathai pardesh ko thau ma gaun ko yad (krishna thapa damri 3 pyuthan just mumbai india)